Тағдыр мен тауқымет, махаббат пен ғадауат. Серілік пен сергелдең. Орта мен адам арасындағы тағдыр таласы... Уақыт пен қоғам трагедиясы... «Ақындық құмарлығына елтіген уыз жастар» мен зар еңіреген көшпелі Заман, ойы екіге жарылған адамның Ақыл азабы... Қазақ драматургиясының алтын қоры... Сырым мен Нарша... М. Әуезовтің жан дүниесінің толғағын аңғартқан, кейін сан өкіндіріп-опындырған, ашындырып-аялаған – «Қарагөз». Ұлт жауһары – Ұлттық театрда...

Э.Филиппоның «Әйел құпиясы» қойылымы әйел тағдырын қозғайды. Оның көрген қиыншылықтары, тағдыр тауқыметі туралы шығарма. Бұл спектакль әр адамның ұрпақ алдындағы жауапкершілілікті сезінуге және Алла алдындағы жауапкершілікті сезінуге шақырады. Жер бетінде не болса да бір Жаратушының ғана қалауымен болады. Сол себептен, бұл қойылымның маңызы зор.

"Қай күні алқымыма азуын салар екен деген алаңмен күнің көтер... Бәрін бір қалыпқа саламын деп жүргенде түркі баласы өзі жұтылып, өзегінен айырылып қалмай ма? Көп қорқытады, терең батырады... Сонда түркі баласының қара шаңырағы қайда қалады? Кім ие болады? Заманнан заман өтер, лек легімен ұрпақ келер... Сонда солардың бізге айтары алғыс бола ма? Қарғыс бола ма?" Жошы хан – Ұлы дала кіндігі Ұлытауда Жошы ұлысының ордасын тіккен хан, Шыңғыс қағанның үлкен ұлы. Түркі баласын бір тудың астына жинап, артынан ерген елдің тыныштығы мен біртұтастығын ойлаған оғлан. Шыңғыс ханнан кейін қаны түркі баласына бір шаңырақтың астына бас қосқызып, бір қазаннан дәм татқызған, тағдырын бір қазыққа байлаған Жошы өмірі - елдің елдігін, ділдің бастауын көрсететін құндылық.